الرئيسية / أدب وفنون / الشاعر محمد جمعان ال خشيم /في ربوع الشوق

الشاعر محمد جمعان ال خشيم /في ربوع الشوق

قصيدة : يارب يالمعبود الشاعر محمد جمعان ال خشيم

الشاعر محمد جمعان ال خشيم /في ربوع الشوق

تلقيت ابيات(ن)لفتني وانا مجروح
ولجة قريحة خافقي و انبلج بوحي

ودليتنا اكتب لك وانا اللي يعشق البوح
واطارد هجوس الشعر لاعن لشبوحي

اشوف المثايل من وجيبي عليي تلوح
وازايم شجوني كل مابان بحبوحي

يفوح العبير العذب مره ومر تفوح
تباريح محزون(ن)همومه به تلوحي

وانا لي مع الفرحه ل شاف الغضي في الدوح
فياض المشاعر والهوى العذب مسموحي

ترى مجلس الطربان بين العرب مفسوح
وهذا هو اللي بان لي منه مصلوحي

من اول بنيت لصاحبي في الفؤاد اصروح
حصينه بشوقي لابتعد عني اتلوحي

واذا غاب عني ساعة (ن) صرت اجي واروح
لذاك المكان اللي جمعنا عسى يوحي

اخاوي هواه العذب لا بان لي وابوح
بمكنون صدري لا تذكرتنا روحي

عشقته وصرت بوجد قلبي كما المذبوح
ولا اقدر ارد الشوق لا صرت مذبوحي

ترى الشوق للغالي كما رشمة(ن)في لوح
تمر السنين ورشمة الوجد ماتروحي

وفيض المحب ايبين لو في هواه اجنوح
وانا مثل غيري في الهوى يسري اجنوحي

ولو اخفي اشجوني ذعاذيع شوقي تفوح.
فدلة هواه اليا تقهويت قرطوحي

رسى صاري احلامي على ساحل المملوح
ولاحيتنا المنكوس واستنهض اجروحي

يابو سعيد كم للوجد في خلوة المجروح
شجون (ن)تسابق وهجها يحتوي روحي

عن صالح الحميدان

اترك تعليقاً

لن يتم نشر عنوان بريدك الإلكتروني.