الرئيسية / أدب وفنون / الشاعر محمد جمعان ال خشيم / ومن لا عرفها زين لا يرمي ارماحه

الشاعر محمد جمعان ال خشيم / ومن لا عرفها زين لا يرمي ارماحه

الشاعر محمد معان ال خشيم / ومن لا عرفها زين لا يرمي ارماحه

يقولون في المرأه كلام(ن)بلا ميزان…
ومن لا عرفها زين لا يرمي ارماحه

هي الام والزوجه هي البيت والبستان…..
هي البنت والجده والعطف والراحه

وهي الاخت والعمه وهي عزوة النشوان…
وهي البلسم الشافي اذا صالت الجاحه

وهي الود والرحمة والسكن والتحنان….
تعالج دواعي الحزن بالخير رواحه

وهي عزوة الشامخ اذا صال في الميدان….
من اول بلامننه اسارير قداحه

مروج من الرحمه تنعم بها وتزدان….
اساس الحياه ومنبع العطف ومراحه

سواقي السكون ومنتدى الود والايمان…..
اذا جن ليل الحزن او ناشك ارماحه

اذا جيتها محزون والهم فيك الوان….
لقيت الامان يفيض والنفس مرتاحه

وتنسى معاها مايعنيك وبإطمئنان…
تقدم لك البسمه بأشواق منساحه

مساقي نعيم وبسمه وللامل شريان……
تداوي عليل الحال لو زادت اجراحه

لها في رياض العطف بصمات مهما كان…..
واذا جيتها مهموم للهم نضاحه

بساتين ريضان(ن)تلوى عليها اغصان….
كان المروج الخضر تفرش لها ساحه

لها في امان البيت من بذلها ميزان…
تزايم ثلومه لين تقدر على اصلاحه

عرفنا لها حق(ن)عظيم من المنان…
تضوي الحياة بطلة(ن) كلها راحه

ذكرها رسول اللهووصى بها الانسان.
ومن لا رعاها بود ما تجمل افراحه

فقدم له حبك وهو صافي ومليان….
بأشواق فواحه والنفس مرتاحه

عن صالح الحميدان

اترك تعليقاً

لن يتم نشر عنوان بريدك الإلكتروني.

Open chat