صحيفة الراية الالكترونية صحيفة إلكترونية مختصة بأخبار السعودية والعالم
قصيدة محمد فرحان
يمه انا دونك مثل غصن مكسور ،،،،،
مابه هبوب الا يهشّم عظامه
دونك اذا غبتي أكاسير بلّور …..
مايجتمع لو جيت أجمع حطامه
محدٍ يشوف الجرح لا صار مستور ؟……
ومحدٍ يداري خافقي بابتسامه
الاحظن امي افانين وازهور…….
لاصرت في فييه الاقي السلامه
اجيه طاوي فكر و افراح وسرور ……..
وينفك عوقي واتنفس غرامه
شمسٍ خلقها الله في ظلها نور ……..
لاصار صبحي ليل يشرق ظلامه
في كفها برد و سلامٍ عن الجور ……….
وفي شوفها الاشراق ينصب اخيامه ❤️
