الرئيسية / أدب وفنون / من الماضي

من الماضي

من الماضي

من الماضي اللي عنن لي مع هبوب الكوس//
تنادت لي الصوره وانا فراس تنوره

بلاد(ن) لماها في فؤادي غدى مغموس//
تراتيل بوحي كل ما فار دافوره

وانا اطالع الماضي يجيني وهو محبوس//
في ذاك المكان اللي غدا صافي (ن)نوره

وانا اشوف ابوي هناك بين الزمان يسوس//
اماني(ن)عتاق ماتجافيه ممطوره

يروح ويجي مايين شغله وحر اشموس//
هوا الساحل الشرقي وترنيمة اطيوره

ولامن حضر جينا حواليه مثل القوس//
نطالع وش اللي جاب بنفوس مسروره

وناخذ ونعطي بود وافي رضا ومحروس//
حنان(ن)يحلينا وكل(ن)عرف دوره

وحنا نطارد طلته والهوى متروس//
من الذكريات اللي خذتننامع الصوره

نهجول وراهافي رضا والاماني اتروس//
وبسمة طفولتنا من الود معموره

قلوب نظيفه حالمه طيبه ونفوس//
كبيره تروم الشوق بالحب مغموره

وهذي هي امي حولناطيبها ملموس//
حنان(ن)تحلت به خذانا نقأ ازهوره

نشوف الحنان العذب في دوحها مغروس//
قطفنا بحب قلوبناطلع باگوره

على وجهها الطيب ربيع الرضا محسوس//
شربنا رضابه صافي(ن)مثل بلوره

وجملة اربوع ودهم بالوفا متروس//
اناجي شفوفه حيث الاحزان مدحوره

وأشاهد لداتي يومنا في السگيك أنحوس//
نروح ونجي معهم وكل(ن)عرف دوره

ورغم الزمان الصعب يبقى الامل معگوس//
على وجيه ربعي والصفا بيين اسروره

وهذاك ابوراشد خذينا معاه ادروس//
من الطيب والاخلاص والحلم واشبوره

عليه ابتسامة شاهق مايعرف اعبوس//
وحلم(ن)يباري طلته كل ماأزوره

رفيق الزمان الصعب لامن غدا كابوس//
وضاقت حلا حيلي على لفة أسيوره

اسارع لبيته لاجل ربعي معاه اجلوس//
يلمون منه الود والطيب وابذوره

ولافيه منا ساخط(ن)او خليط اتعوس//
قلوب(ن)نقييه و الشياطين مدحوره

عناقد ود(ن) والصفا بيننا ناموس//
ربينا عليه بحب واشواق مأسوره

الاياحنين القلب صب الهوى محبوس//
مع ايامنا الحلوة وانا فـــراس تنوره

محمد جمعان آل خشيم

عن الشاعر محمد جمعان ال خشيم

اترك تعليقاً

لن يتم نشر عنوان بريدك الإلكتروني.

Open chat